Na Shomari Binda-Musoma
JUMUIYA ya Wanawake wa CCM ( UWT) mkoa wa Mara imetoa tamko la kupongeza wajumbe wa Mkutano Mkuu wa CCM Taifa kumpitisha kugombea urais kwenye uchaguzi wa mwaka 2025.
Tamko hilo limesomwa na Mwenyekiti wa jumuiya hiyo mkoa wa Mara Nancy Msafiri kwenye kikao cha baraza la UWT Wilaya ya Musoma kilichoendana na sherehe ya siku ya kuzaliwa ya Rais Dkt.Samia
Akisoma tamko hilo kwenye ukumbi wa CCM mkoa amesema UWT mkoa wa Mara inaridhishwa na kazi zinazofanywa na Rais Samia
Amesema mkoa wa Mara umepokea kiasi cha zaidi ya tilioni moja kwaajili ya miradi mbalimbali na imepelekea kuuinua na kuupaisha mkoa wa Mara
Nancy amesema leo wanawake wa mkoa wa Mara hawaangaiki masuala ya afya kwa kuwa kuna zahanati,vituo vya afya kila mahala.
Amesema kutokana na uwepo wa maeneo hayo ya kutolea huduma za afya imewasaidia wananchi hususani wanawake kutotembea umbali mrefu kupata huduma za afya.
Mwenyekiti huyo amesema licha ya eneo la huduma za afya yapo maeneo mengine ambayo huduma mbalimbali za kijamii zinazotolewa ambazo zinastahili pongezi.
” Tumekutana hapa kupitia baraza la UWT Wilaya ya Musoma kupongeza maamuzi ya Mkutano Mkuu Taifa kwa kumpitisha mheshimiwa Dkt.Samia kugombea kwenye uchaguzi 2025.
” Kazi za Dkt.Samia zinaoneka na sisi kama UWT mkoa wa Mara leo ikiwa siku yake ya kuzaliwa tunaunga mkono jambo lile lilofanyika”,amesema
Mkuu wa Wilaya ya Musoma Juma Chikoka amewapongeza UWT mkoa wa Mara kwa kutambua mchango wa Dkt.Samia na kuamua kupongeza azimio la Mkutano Mkuu wa Taifa
Mara baada ya tamko hilo Katibu wa UWT mkoa wa Mara Saidan Mwamba ametoa tahadhari kwa viongozi wa Wilaya kuzingatia kanuni kuziba nafasì zilizo wazi kwenye maeneo yao.
