Na Mwandishi Wetu.
Dar es Salaam, Aprili 23, 2024: Tigo Tanzania, kwa kushirikiana na Benki ya Biashara Tanzania (TCB), leo imezindua huduma ya kuweka akiba ya kidijitali ya Kikoba, mfumo wa aina yake wa kuweka akiba unaoruhusu kuweka akiba kwa makundi ya marafiki, familia. au VIKOBA zilizopo (Village Community Banks) ikijumuisha kutoka kwa waendeshaji wengine wa simu.
Kikoba kipya na cha kipekee kinatarajiwa kutoa ahueni kwa Watanzania ambao hapo awali wamekuwa wakitumia njia za jadi za kuweka akiba ambazo si tu kwamba si salama bali ni za usumbufu na wakati mwingine kukosa uwazi miongoni mwa masuala mengine.
Akizungumzia Kikoba wakati wa uzinduzi wa huduma hiyo jijini Dar es Salaam, Afisa Mkuu wa Tigo Pesa, Angelica Pesha alisema:
“Kikoba inadhihirisha dhamira yetu ya kukuza ushirikishwaji wa kifedha nchini Tanzania huku tukihakikisha kuwa tunabadilisha mfumo ikolojia wa nchi kuwa jamii isiyo na fedha taslimu. Kama kampuni ya mtindo wa maisha ya kidijitali, Tigo, kwa kuja na Kikoba, kwa mara nyingine tena inaimarisha jukumu lake kama mtoa huduma kamili wa kifedha anayekuza maisha ya kidijitali katika jamii.”
Naye Afisa Mkuu wa Uendeshaji wa Benki ya Biashara Tanzania (TCB), Jema Msuya, ameishukuru Tigo kwa kukubali kushirikiana na kutambulisha bidhaa hii yenye ubunifu wa mfumo wa kidijitali sokoni.
“Kama benki ya biashara, TCB imekuwa na ubunifu siku zote kwa kuleta sokoni, masuluhisho ambayo yanatatua changamoto za maisha halisi ya kifedha zinazowakabili Watanzania. Kikoba inaruhusu wanakikundi kutoka MNOs nyingine kushiriki kwa usawa katika shughuli za kikundi kwa kuchangia na kutazama taarifa za kifedha za kikundi.
