Na Shomari Binda-Musoma
MBUNGE wa jimbo la Musoma mjini, Vedastus Mathayo, ameandaa zawadi ya mbuzi 3 na seti 2 za jezi kwa mashabiki wa Simba na Yanga.
Zawadi ya mbuzi 2 itatolewa kwa mshindi wa mchezo kati ya mashabiki hao utakaohezwa agosti 27 huku mshindi wa pili akipata mbuzi mmoja na kila timu seti ya jezi.
Katibu wa mbunge, Christopher Majala, amesema tayari zawadi zote zipo tayari na kinachosubiriwa ni mchezo huo kuchezwa.
Majala amesema waratibu wa mchezo huo wanaendelea na maandalizi huku kila upande ukionekana kurambiana.
Katibu huyo amesema mchezo huo ni ufunguzi wa mashindano ya Mathayo Cup 2023 yatakayoanza kutimua vumbi agosti 28.
“Mashindano ya mbunge ya mwaka huu yanatoa first pia kwa mashabiki wa timu pendwa za Simba na Yanga kuoneshana ubabe.
“Mshindi wa kwanza ataondoka na zawadi ya mbuzi 2 na mshindi wa pili mbuzi 1 pamoja na kila timu kupewa seti moja ya jezi kwaajili ya kupambana agosti 27 uwanja wa posta” amesema Majala.
Amesema mchezo wa kwanza wa mashindano ya Mathayo Cup 2023 wa kundi A utachezwa agosti 28 uwanja wa posta kati ya Kata ya Mwigobero na Mukendo saa 8 mchana na Iringo na Kitaji saa 10 jioni
