Na Boniface Gideon, TANGA
Kongamano la kutokomeza maadili potofu kwa hasa rika la watoto litakalohusisha madhehebu mbalimbali linatatajiwa kufanyika jumamosi hii katika viwanja vya Pongwe jijini Tanga hii ikiwa ni jitihada za kuunga mkono juhudi zinazofanywa na wadau wa maendeleo ya jamii pamoja na serikali katika kupiga vita vitendo vya ukatili dhidi kwa watoto ndani ya jamii.
Kongamano hilo litaambatana na zoezi la upandaji wa miti katika viunga hivyo ikiwa ni kuhamasisha jamii utunzaji wa mazingira ili kuepukana na athari mbalimbali ikiwa ni pamoja na mabadiliko ya tabia nchi.
Akizungumza muandaaji wa kongamano hilo ambaye pia ni mchungaji wa kanisa la Tanzania Assembly of God ‘TAG’ mtoto wa simba wa kabila la Yuda na mwalimu wa mtoto mashuleni Agnes Willium alisema kuwa kumekuwa masuala ya malezi ya kiimani kana kwamba yametupiliwa mbali jamii hivyo kupelekea janga la mmomonyoko wa maadili hasa kwa watoto wengi kufanyiwa vitendo vya ukatili jambo ambalo linakiuka taratibu na haki za kibinadamu huku viongozi wa dini nao wakihusishwa katika kutekeleza vitendo hivyo.
Alisema ni matarajio makubwa kama jamii inaweza kubadilika ikishirikiana kwa pamoja na juhudi za serikali pamoja na wadau mbalimbali wa maendeleo huku akielekeza zaidi kumlea mtoto ambao ni taifa tegemezi la kesho kupitia malezi kiimani ambayo yatachangia kwa kiasi kikubwa kupungua kwa vitendo vya ukatili.
“
