Balozi wa Algeria nchini Tanzania Mhe. Ahmed Djellal ametembelea Banda la Wakala wa Usajili wa Biashara na Leseni (BRELA), leo tarehe 8 Julai, 2023 na kupatiwa maelezo jinsi Taasisi hiyo inavyotoa huduma za sajili mbalimbali za kibiashara na utoaji wa Leseni za Biashara kundi “A” na Viwanda.
Mhe. Balozi Djellal aliongozana na mwenyeji wa Maonesho ya 47 ya Biashara ya Kimataifa ya Dar es Salaam, Bi. Latifa Khamis ambaye ni Mkurugenzi Mkuu wa Mamlaka ya Maendeleo ya Biashara Tanzania (TanTrade). BRELA inaendelea kutoka huduma za papo kwa papo katika maonesho hayo mpaka Julai 13, 2023 yatakapohitimishwa.
