Na Shomari Binda-Musoma
MKUU wa mkoa wa Mara Kanali Evans Mtambi ameshiriki dua ya kumuombea Rais Dkt.Samia Suluhu Hassan na Taifa kuendelea kutekeleza majukumu yake.
Dua hiyo imefanyika kwenye Msikiti mkuu wa Ijumaa mjini Musoma ikiongozwa na Sheikh wa mkoa wa Mara Msabaha Kasim.
Akizungumza kabla ya kusomwa kwa dua hiyo Sheikh Msabaha amesema hayo ni maelekezo ya Sheikh Mkuu wa Tanzania Abubakar Zuber bin Ally kumuombea Rais kutokana na mazuri anayoyafanya.
Amesema dini inatambua utawala wa dunia na kwa taifa la Tanzania Rais Dkt. Samia anawafanyia mema watanzania katika kuwaletea maendeleo.
Msabaha amesema kwa mkoa wa Mara yapo mengi mazuri ambayo yamefanywa na Rais Dkt.Ssmia na wanamuombea dua ili Mola aendelee kumsimamia.
” Tunamuomba Mwenyezi Mungu aendelee kumlinda Rais Dkt.Samia kwa kumpa afya njema na kuendelea kuwahudumia watanzania.
“Rakini tunakuombea pia mkuu wetu wa mkoa Kanali Mtambi kwa kuwa tangu umefika mkoa wa Mara umekuwa ukitupa ushirikiano kila tunapokukimbilia”,amesema
Kwa upande wake mkuu wa mkoa wa Mara Kanali Evans Mtambi amesema yupo tayari kushitikiana na kila mmoja yakiwemo madhehebu ya dini na waislam
Amesema mashirikiano ni mazuri na katika ujenzi wa Msikiti aliouona yupo tayari kuchangia katika kukamilisha ujenzi wake.
Mara baada ya dua hiyo Kanali Mtambi aliutembelea Msikiti huo pamoja na kituo cha Al Jazira kilichopo Musoma vijijini kinacholea na kufundisha watoto yatima
