Na Mwandishi Wetu.
Disemba 01 , 2024 – Wafanya Biashara Amos Magaba kutoka Sumbawanga na Benson Kilalika kutoka Moshi , wameipongeza Kampuni ya MMI Steel Mill Ltd kwa kutimiza miaka 30 ya Uzalishaji wa Bidhaa zenye Ubora wa Hali ya Juu , Wateja hao ambao ni wawakilishi wa wafanyabiashara wa Bidhaa za Kampuni iyo wameyasema hayo katika Hafla fupi ya kuadhimisha miaka 30 , Hafla iliyojumuisha wadau na wafanya kazi wa Makampuni ya Motisun Group .
Akizungumza na Waandishi wa Habari , katika Hafla iyo iliyofanyika White Sands Hotel Jijini Dar Es Salaam Afisa Mtendaji Mkuu ( CEO ) wa Kampuni ya MMI Steel Bw. Gurlochan Singh ameipongeza Serikali ya Jamhuri ya Muungano wa Tanzania Chini ya Rais Dkt. Samia Suluhu Hassan kwa Mchango wake mkubwa wa Kisera na Kiutendaji hadi kufikia mafanikio haya makubwa ambayo wanaya sherehekea leo hii .
” Serikali imekuwa na Mchango mkubwa kwetu kwa sababu ni mdau wetu mkubwa kuna miradi mingi ya serikali tunafanya ambayo ni takribani asilimia 70 , lakini pia serikali imekua msitari wa mbele kutatua changamoto zetu hasa zile ambazo zinaihusu moja kwa moja tumekuwa na mahusiano mazuri na serikali na ndio maana tumeweza kuvuka mipaka na kuwa na Viwanda nje ya Nchi kama vile Msumbiji , Zambia na Uganda “ alisema Bw. Singh
Naye Afisa Masoko Mkuu wa Makampuni yote ya Motsun Group Bw. Erhard Mlyansi amesema sambamba na kusherehekea miaka 30 ya ukuaji wa MMI Steel na Wateja na wadau wao , wametumia Hafla iyo kumkumbuka na Kumuenzi Mwanzilishi wa Makampuni ya Motsun Group Marehemu Subhash Motibhai PatelÂ
” Tunamkumbuka Mzee Wetu Marehemu Subhash Motibhai Patel kwa Maono na Ndoto yake aliyotuachia , kwahiyo tunamkumbuka katika kuadhimisha miaka hii 30 kwa mafanikio ambao aliyafanya na kutuachia “ amesema Bw. Mlyansi.
Wafanya Biashara Amos Magaba ( picha ya Chini ) kutoka Sumbawanga na Benson Kilalika (picha ya juu ) kutoka Moshi wakati wakizungumza na waandishi wa Habari kwa niaba ya Wafanya biashara wenzao wa Bidhaa zinazozalishwa na Kampuni ya MMI Steel , moja ya maneno waliyoyasema ni kuipongeza kampuni iyo kwa kutimiza miaka 30 na kuongezea kuwa Bidhaa zao Kama Nondo , Mabati , Misumari na Rangi kwa Upande wa Kiboko Paints ni bora na haziwapi shida kuuzika.
Mwenyekiti wa Motisun Group Bw. Pawan Patel akizungumza na wadau na Wafanya kazi Maadhimisho ya Miaka 30 ya MMI Steel .
