MBUNGE wa jimbo la Musoma mjini,Vedastus Mathayo, amemualika Mwandishi wa Mzawa Blogger,Shomari Binda, kushuhudia shughuli za Bunge.
Mara baada ya kipindi cha maswali na majibu,Spika wa Bunge la Jamhuri ya Muungano wa Tanzania, Tulia Akson, alianza kuwatambulisha wageni wa wabunge mbalimbali
“Waheshimiwa wabunge kipindi cha maswali kumemalizika, nina matangazo ya wageni yupo mgeni wa mheshimiwa Vedastus Mathayo, Mwandishi wa Habari kutoka mkoa wa Mara”, amesema Tulia.
Nje ya bunge mbunge wa jimbo la Musoma mjini, Vedastus Mathayo amesema atakuwa jimboni mara baada ya vikao vya bunge la bajeti kumalizika.
Amesema shughuli za kimaendeleo atakazo anza nazo ni kuhakikisha vijana ambao hawajapata miradi ya ufugaji kuku anawafikia.
Amesema vijana wakiwezeshwa kwenye shughuli za kiuchumi unakuwa umewasadia hivyo ufugaji wa kuku na miradi mingine ni muhimu kwao.
“Nitakuwa jimboni baada ya bunge la bajeti kumalizika nenda kanigikishie salamu na vijana wa Kata ambazo sijawafikia kwenye miradi yetu ya ufugaji wa kuku nakuja kuonana nao” ,amesema Mathayo.
